Դպրոցի պատմությունը Ղալաչայի (Բերդավանի) թիֆլիսաբնակ մտավորականները Թիֆլիսում ապրող բանիմաց ղալաչեցիների նախաձեռնությամբ Էջմիածնի Գևոևգ Դ.կաթողիկոսի օգնությամբ 1879թ. օգոստոսի 17-ին Ղալաչայում հիմնադրվել է դպրոց: Ղալաչայում դպրոցը վերաբացվում է 1906թ. դեկտեմբերի 15-ին:Այդ ժամանակ դպրոցում սովորում էին 10-15 երեխա:1911-1912թթ. սովորողների քանակը հասնում էր 60-ի: 1910-1912թթ. դպրոցում աշխատում էին երկու ուսուցիչ` Մ.Մելիքսեդիկյանցը և թիֆլիսաբնակ, Ներսիսյսն ճեմարանի շրջանավարտ Բարդուղիմեոս Բարխուդարյանը: 1920թ. մարտի վերջին դպրոցը փակվում է Արևմտյան Հայաստանում ստեղծված ծանր իրավիճակի պատճառով:Դպրոցը վերաբացվում է սովետական կարգերի հաստատումից հետո: Նոր բացված դպրոցը զուրկ էր նյութական բազայից,չկար շենք,գույք:Գիտակցելով դժվարությունները գյուղացիները կամավոր կերպով դպրոցի ծախսերի մի մասը վերցնում են իրենց վրա:Կոմունիստ Դարչո Դաղբաշյանը Ղալաչա գյուղում ունեցած իր երկու սենյականոց բնակարանը ձրի հատկացրել է դպրոցին,որը ծառայել է մինչև 1934թ.` դպրոցական նոր շենքի կառուցման օրը:1954թ. դպրոցը դառնում է միջնակարգ:
Դպրոցի 100-ամյակը և նշանավոր շրջանավարտները
1979թ. աշնանը Բերդավանի դպրոցը բոլորեց իր հիմնադրման 100 տարին:
Դպրոցը տվել է հասարակական ու քաղաքական գործիչներ,գիրության մշակներ: Ռուս-հայերենի նշանավոր բառարանագիր,մանկավարժ,փիլիսոփայական գիտությունների դոկտոր Հարություն Դաղբաշյան Հայկական ԽՍՀ ԳԱ ակադեմիկոս Վարդան Գուլքանյան Քաղաքագիտության դոկտոր ,պրոֆեսոր,գիտության վաստակավոր գործիչ Սարգիս Զուրաբյան Կենսաբանական գիտությոնների դոկտորներ Արմենակ Աղինյան և Սերգեյ Ապրիկյան Բժշկական գիտությունների դոկտորներ Գուրգեն Ապրիկյան և Բենիկ Էզդանյան Գյուղատնտեսական գիտությունների դոկտորներ Վազգեն Զուրաբյան և Հրաչիկ Հովսեփյան Դպրոցի սաներից 7-ը արժանացել են Հայաստանի վաստակավոր ուսուցչի կոչման` Հովհաննես Նավասարդյան, Սարգիս Չիլինգարյան,Հրանուշ Պետրոսյան, Ավագ Սևինյան,Դուշինկա Երգենյան,Վահան Ազատյան,Սամսոն Դաղբաշյան: Բերդավանի միջնակարգ դպրոցը տվել է բազմաթիվ մեդալակիրներ: Դպրոցի աշակերտները մեծ հաջողություն են ունենում տարածաշրջանային և հանրապետական օլեմպիադաներում:
